أكاذيب الجامعة الامريكية أونلاين AUO

بداية قصتي مع الجامعة الأمريكية اونلاين من لينك وضعه الأستاذ “أسامة مختار” على الجروب بتاع دفعتي على الfacebook وكان اللينك عبارة عن الجروب الرسمي للجامعة الأمريكية اونلاين “تم حذف الجروب”، دخلت على اللينك من باب الفضول فأنا دائماً تستهويني الدراسة أونلاين أياً كان مجالها، وجدت لينك للموقع الرسمي للجامعه فدخلت وجلست أتصفح فتعبت من القراءة ووجدت نفسي تائها بين صفحات الموقع-التي أصبحت أحفظها عن ظهر قلب الآن- فوجدت رقم تليفون أستاذ أسامة مختار على الجروب فى ال facebook فقررت أن أتصل به للاستفسار عن كل ما أريد، وبالفعل اتصلت وكانت نتيجة الحوار كالتالي:

  • الجامعة الأمريكية أونلاين جامعة عريقة ومعترف بشهادتها فى معظم دول العالم، والجامعة توفر لك معادلة شهادتها بشهادة معتمدة من المجلس الأعلى للجامعات المصرية وستتحمل الجامعة اى تكاليف بخصوص ذلك.
  • يمكنك اختيار أى مجال للدراسة فيه سواء كان فى تخصصك أو غير تخصصك-على سبيل المثال أنا كنت عايز ادرس Computer Science وأنا أصلاً بادرس فى صيدلة(على فكرة أنا شخصياً مش شايف ده مشكلة)- وتتنوع مجالات الدراسة من (بكالوريوس أو ماستر أو دبلومه)
  • كل المطلوب انك ترسل لهم الCV الخاص بك على الemail : cmo@auonline.us وتنتظر الرد بتحديد ميعاد مقابلة شخصية فى القاهرة، وإذا نجحت فى المقابلة تقوم بتسديد مبلغ 100$ وتنتظر 5 أيام لتصلك ال package الخاصة بك من أمريكا و التي تحتوي على كارنية خاص بالجامعة يحتوي على username & password التى ستدخل من خلالها على حسابك الخاص فى موقع الجامعه لتبدأ رحلتك
  • المستندات المطلوبة : صورتين شخصيتين وصورة البطاقة وصورة من آخر مؤهل وصور من شهادات الخبرة أو الشهادات التدريبية التى اجتزتها من قبل.

كانت هذه هى أهم النقاط فى مكالمتى مع أستاذ أسامة مختار ال CMO الخاص بالجامعة (ملحوظه: CMO is Chief Marketing Officer تعني رئيس التسويق فى الجامعة بالرغم من أننى لم أتعرف على أحد من هؤلاء الأفراد الذين يرأسهم أستاذ أسامة مختار يبدو أننى كنت أتكلم مع الرئيس مباشرة !!)

بالفعل بعد إرسال الCV الخاص بي اتصلت بي “السكرتيرة غالباً” لتخبرنى بأن لدى ميعاد مقابلة يوم السبت وعلي أن أختر الساعة التي أريدها من 11 إلى 5 مساءً فاخترت الساعة 11 وذهبت لحجز تذاكر قطار يوم السبت ذهاباً إلى القاهرة 7 صباحاً وإياباً الساعة الثانية ظهراً، العنوان -الذى سوف تتم فيه المقابلة الشخصية- كان كالتالي: 19 شارع الخليفه مأمون ابراج روكسى الدور ال 11، طبعاً أنا عانيت علشان أعرف الطريقة التي سأذهب بها (لأنني من الاسكندرية)

إلى هذه اللحظة كنت متاكداً 100% ان الجامعه عريقة و ممتازة وهذه فرصه لا تعوض إلى أن وصلني email يوم الجمعه من شخص يدعى أستاذ أمجد مختار (لأ طبعاً ليس أخو أسامة مختار)، يقول فى ال email بالنص :

السلام عليكم ورحمة الله وبركاته

بخصوص الجامعة الامريكية اون لاين

كيف حالكم، أحب أولاً اعرفكم بنفسى، أنا أمجد مختار متقدم مثلكم فى الجامعة الامريكية اون لاين للحصول على الماجستير فى علوم الحاسب، بعد قراءة جميع التفاصيل على موقع الجامعة وعلى الفيس بوك والاتصال بالجامعة وخاصة أسامة مختار والاستفسار عن جميع التفصايل تبين الاتى:
1- أهم شىء هو أنه مكتوب على الفيس بوك الاتى 

الاعتمادات :
الشهادة معتمدة من منظمة الاعتمادات الدولية
و كمان موثقة من السفارة المصرية فى واشنطن و الخارجية المصرية و اختياريا المعادلة من المجلس الاعلى للجامعات المصرية يعنى شهادة معتمدةو تتحمل الجامعة كافة المصاريف للاعتماد
 
وانا ذهبت شخصيا إلى المجلس الأعلى للجامعات للاستفسار عما إذا كان هذه الجامعة معتمدة لديهم أم لا، اخبرتنى هناك الموظفة أنها ليست معتمدة وأنهم لا يعتمدون مثل هذه الجامعات ولقد ذهبت ايضا إلى وزارة التعليم العالى للاستفسار عن هذه الجامعة واخبرونى بانها غير معتمدة لدينا
2- معظم تعاملات هذه الجامعة من خلال الفيس بوك والموقع الخاص بهم لا يوجد به اى تفاصيل عن الدراسة، وهذا شىء غريب جدا
3- طلبت منهم رؤية نماذج من الشهادات فاخبرنى انه بعد نجاحك فى المقابلة ثم دفع الرسوم فيمكنك رؤية نماذج من الشهادات، وهذا غير منطقى بالمرة إذا كان الموضوع سليم فلماذا يترددون فى اظهار الشهادات للناس عشان تطمئن
4- لم اسمع بان احد قد ذهب لمقرهم الرئيسى المكتوب على الموقع وهو فى طريق مصرحلوان الزراعى انما بعض زملائى ذهبوا لعقد مقابلة فى عنوان بمدينة نصر ولا يوجد اى لافته توضح بان هذه جامعة او اى شىء
5- هل يعقل ان لا تكون هناك اى شروط للقبول فى الدراسات العليا مثل مثلا امتحان التويفل او يكون الطالب خريج نفس التخصص الذى يريد التقدم فيه للحصول على الماجستير ولكن لا يوجد اى شروط سوى اجتياز المقابلة الشخصية وهل هذا يعقل ؟
6- هل يعقل بان الجامعة ترسل لك بريد الكترونيا لتخبرك بتفاصيل التقديم ومرفق مع الايميل جميع الايميلات الاخرى للطلاب ؟!

لقد اتصلوا بى لحضورالمقابلة الشخصية غدا السبت الساعة 11 صباحا ومعك الاوراق ومبلغ 100 دولار وذلك فى حالة اجتيازك للمقابلة ستقوم بتسليم اوراقك ودفع الرسوم

بعد التفكير اخذ راى بعض زملائى الذين يقوم بتحضير الماجستير والدكتوراه، اخبرونى بان هذا نصب ولا يوجد دراسات عليا بهذا الشكل  انا اتخذت قرار وهو كالاتى :
لن اذهب للمقابلة الشخصية
سارسل تحذير لجميع الايميلات التى وجدتها مرفقه مع الايميل لتوخى الحذر

هذا مجرد تحذير والله اعلم اذا كانوا نصابين او لا بس كل الدلائل تؤكد ان هذا الموضوع نصب وسرقة ولا يوجد دراسة بهذا الشكل
ومن يريد التاكد يذهب الى المجلس الاعلى للجامعات بجامعة القاهرة مكتب خدمة المواطنين ويسال ويتاكد بنفسه او يذهب الى وزارة التعليم العالى بمدينة نصر حى السفارات 

من اقتنع مثلى بان هذا الموضوع نصب ويريد تحذير الناس سواء بالايميلات كما فعلت او باى وسيلة اخرى فليفعل
شكرا

سؤال مهم: كيف توصل أمجد إبراهيم إلى ال emails الخاصة بالناس اللى هيعملوا المقابلة يوم السبت ؟؟؟

الإجابة لان الأستاذ أسامة مختار كان يرسل الemails إلينا عن طريق ال email الشخصي له على ال hotmail: legendlovers_loveall@hotmail.com وكنا كلنا نري ال emails المرسل لها الرسالة. “جامعة عريقة فعلاً !!!!”

بعد ال email ده انا بالمصري كده “الفار ابتدى يلعب فى عبى”، دورت على رقم تليفون استاذ أمجد إبراهيم إلى أن وجدته (بالمناسبة لا تقدموا سيرتكم الذاتية إلى المواقع الغير موثوق فيها فإنها فى النهاية تكون عرضة للجميع فغالباً تلك المواقع لا تحافظ على الخصوصية لأعضائها)

فاتصلت به فأخبرني مشكوراً بأن كل ما كتبه متاكد منه 100% و انه لا يريد سوى النصح فقط، ومن هنا بدأت بتشكيل “لجنة تقصي حقائق” (بمناسبة الثورة المصرية) لأعلم هل فعلاً الجامعه نصابة ولا حقيقية لأقرر هلى سأذهب إلى القاهرة غداً أم لا ؟؟

هذه هى الخطوات التى اتبعتها و التى توضح عنوان التدوينه “أكاذيب الجامعة الأمريكية أونلاين AUO”

  1. أولاً عملت check على ال domain name الخاص بالجامعة ولكننى وجدته protected وكل اللى عرفته أنه سينتهى فى مايو 2011.
  2. الموقع http://auonline.us يستخدم Joomla كنظام إدارة محتوى CMS ويستخدم نظام docebo لإدارة المحتوى التعليمى يعني ك LMS.
  3. عندهم صفحة فى الموقع كلها كذب وهى صفحة Offices وهى الصفحة الخاصة بالمسؤلين عن الجامعة ، فقمت بالبحث فى جوجل عنهم اسم اسم ،وكانت المفاجأة لاوجود لهم على الإطلاق إلا فى صفحة الموقع العظيم auonline.us، حتى رئيس الجامعة (Dr.James T.Davis) اسمه غير موجود على الانترنت مع العلم أن رئيس جامعة الاسكندرية أو القاهرة لهم أبحاث ورسائل منشورة على الانترنت، ولا يعقل أن يكون رئيس الجامعة الأمريكية أولاين ليس له أى paper على الانترنت.
  4. كاتبين على الموقع الخاص بهم أنهم معتمدون من منظمة الإعتماد الدولية (بالفعل هناك منظمة بهذا الإسم) ولكنها لا تحتوى على الجامعة الأمريكية أونلاين AUO فى القائمة المعتمده لديهم
  5. عنوان الجامعة فى امريكا هو كالتالى:
    616 Corporate Way, Suite 2
    #3268
    Valley Cottage
    New York
    10989-2050
    United States of America
  6. هذا العنوان هو العنوان الافتراضي لأى شخص يسجل مع شركة USAmail1 الخاصة بتوفير عناوين بريدية لأى شخص ليس لديه عنوان بريدى فى أمريكا بغرض شراء البضائع من امريكا و شحنها إلى هذا العنوان فى أمريكا ثم تقوم هذه الشركه بشحنها إلى بلد هذا الشخص بعد ذلك، بالطبع الشركه توفر امكانيات اخرى كثيرة مثل التعرف على البريد المرسل للعنوان الخاص بك فى أمريكا عن طريق ال email (بالضبط و أنت جالس خلف الشاشة) وأيضاً رقم تليفون أمريكى وغيره كثير …
  7. اذا قمت ببحث فى جوجل على هذا العنوان سوف تجد الكثير من الشركات الصغيرة لها نفس صيغة العنوان مع اختلاف الرقم الذى بجوار ال# فهذا الرقم خاص بكل حساب لدى USAmail1

إلى هنا كانت هذا الأسباب (الأكيده التى تدل على كذبهم) كافية لتجعلني أقرر ألا أذهب إلى القاهرة للمقابلة الشخصية ، أما ما سأكتبه الآن فى نقاط هو مجرد رأى شخصى(الخبرة اللى طلعت بيها) عن تلك المسماه الجامعة الأمريكية اونلاين بعد تجربتى معهم :

  • اولاً مفيش حاجه اسمها منحة وتدفع 100$ وتعد تدرس Online ببلاش طول فترة الدراسة لأ وكمان هتدرس مناهج أعرق الجامعات فى العالم مثل : هارفارد و MIT ليه يعنى هى سايبه ؟؟؟!!
  • اختاروا ال domain name .us علشان يثبتوا أنهم تبع أمريكا بقى وكده 🙂   مع إن معظم الجامعات الأجنبية لما بتفتح فى مصر بتختار ال domain name .eg or .edu or .edu.eg زى الجامعة الأمريكية بالقاهرة : http://www.aucegypt.edu او الجامعة الألمانية بالقاهرة: http://www.guc.edu.eg/ والجامعة الفرنسية: http://www.ufe.edu.eg وهكذا…
  • عندهم فى ال facebook كذا page و group زى:

  • أما ال group ده : http://www.facebook.com/home.php?sk=group_129780753742399&ap=1 انا اعتقد أنهم مجموعه طلبه اضحك عليهم وبيدرسوا فى مناهج أى كلام أى حد مديهلهم يتسلوا فيها وخلاص، حتى هما نفسهم حاسين بكده ومحدش من إدارة الجامعه بيرد عليهم !!!!

  • طبعاً لازم نتأكد من كل المصادر قبل اتخاذ قررارت مهمة زى حوار الجامعه ده لان بجد صعبان عليا الناس اللى بتدرس دلوقتي فى التاريخ الأمريكى و الرياضه و الAmerican English (هما دول اول 3 كورسات بتاخدهم لما تدخل الجامعه الأمركية أونلاين وغالباً محدش عداهم لغاية دلوقتى و انا بكرر أنه ممكن تكون الدراسه بجد و عمالين ينزللهم مناهج كل شويه على النت بس فى الآخر موقعهم مليان كذب ازاى نصدقهم ؟؟؟)

خلاصة الموضوع فى اعتقادي إن واحد بيتسلى وبيضحك على الناس مستغل حب الناس فى العلم والحصول على الشهادات التى ستأمن لهم وظيفة مرموقة بمرتب مجز، وطبعاً ضيع عليا ثمن تذكرتين قطار 🙁

 

تحديث: الحمد لله تذكرة الذهاب بعتها، يعني تذكر العودة بس اللى خسرتها يلا مش مشكلة 35 جنيه.

تحديث2: واضح انهم جددوا الموقع بتاعهم ولكن طبعاً يمكنك تصفح موقعهم القديم من خلال Google Cached pages 

أكاذيب الجامعة الامريكية أونلاين AUO

20 تعليق على “أكاذيب الجامعة الامريكية أونلاين AUO

  1. طب خدو بقى الجديد ده انا المفروض انى عملت مقابله وهعمل بقى الانتر فيو بكره عشان يتحددلى ادخل فى البكالريوس ولالا وكمان هيساعدونى جدا وحجات كده المهم فى انتر فيو بكره الساعه 1 وهكتبلكو تاريخ ايوم اهو انهارده13/6/2011 والمقابله يوم الثلاثاء14/6/2011 تمام حد بقى يقولى اروح اعمل معاهم ايه عشان فى كده لخبطه كبيره فى دماغى اوى مش عارف اصدءكم ولا اصدقهم والغريب انك شرحت الموقف كانى بسمع الكلام منهم بالظبط هقولكم برضو حاجه تانيه انا طلبت منهم ادفع فلوس مرضوش قالولى لا لما تيجى الانتر فيو الاول وبعدين بس ومن ساعتها على الكلام ده طبعا معايا ارقام المكتب وارقام الشخص اللى هقابلو وكل حاجه

  2. اتقي الله يا اخي دي جامعه محترمه وانا شخصيا اتعملت معاهم وهما ناس في غاية الاحترام والتقدير وكل كلامك ده ملوش اساس من الصحه وكله اصلا ينم على عدم خبره عندك الثوره علمتنا احترام الاخر وليس التشهير بالخطا والباطل اتقي الله يا اخي وكفايه بلبله وكلام ملوش اي لزمه وكل الكلام اللي انت قلته ده انا اتاكدت بيه بنفسي واقسم بالله العلي العظيم انه كل كذب وافتراء حرام عليك تقول مثل هذا الكلام مش معنى ان حصل غلطه او اثنين انك تشهر بالناس كده وتكتب كده اتقي الله والله ايدك اللي كتبت بيها في الدنيا دي هتشهد عليك يوم القيامه حسبنا الله ونعم الوكيل

    1. أولاً جزاك الله خيراً “خايف عليا :)” ،
      ما ذكرته في الموضوع حقائق متأكد منها 100% وذكرت الأدله عليها.
      أما ما ذكرته أنت فى تعليقك كلام عام يصلح لأى موضوع ونصائح عامه تؤجر عليها إن شاء الله ولكن بلا دليل واحد على أن ما في الموضوع كذب !!!!
      لذلك لا تتهمني بالكذب في هذا الموضوع بالذات إلا بعد أن تأخذ نقطه نقطه و ترد عليها و تلخصهم في موضوع كما فعلت وبعدها نرى من فينا الكاذب -أنا أم الجامعه ؟؟- ??
      شكراً لك مره أخرى ولكن لو خايف عليا بجد من “الحساب أمام الله” وترى أن ما فعلته هذا كذب ، اثبت لى بالأدله صدق هذه الجامعه بأن تأخذ ما كتبته نقطه نقطه وترد عليه و سأنشر ما تقوله هنا فى نفس الموضوع لكي يعلم الناس كلهم أنني كنت على خطأ و أن هذه الجامعه محترمه وعريقه -إن ثبت ذلك !!-

  3. طيب يا اخي الفاضل انا هرد على كل اللي حضرتك قلته ده وبالديل وهثبتلك قطعيا ولكن عايزك توعدني وعد اني لو رديت على كل اللي بتقوله انت هتقدم اعتزار للجامعه على ما كتبته وهتشيل اللي انت كتبه ده انا احترمك جدا على اسلوبك الحضاري في الرد وانا احييك على ده وفعلا هرد عليك في كل كلامك ده ويعلم الله ان لا ناقه لي ولا جمل في هذا الموضوع ولكن اولا عايز ارد عليك في حجتين الاول انت قلت ان الدومين بتعهم هيخلص شهر 5 طيب وهو دلوقتي شغال طيب ازاي ؟؟؟؟ تاني حاجه انت عارف وانا عارف كويس ان الامتداد بتاع .edu ده للجامعات الحكومي مش جامعه خاصه وبعدين يا اخي الفاضل انت عارف يعني ايه معادله شهاده من المجلس الاعلى للجامعات؟؟ يعني المجلس بيطلع على اوارق معينه وبيعادل على اسسها مش لازم ان المجلس يكون عارف كل الجامعات في العالم وبعدين ياريت تدخل على موقع المجلس هتلاقي في بند بيقول ( ويستثنى من ذلك التعليم عن بعد ) ودي اتفاقيات وبروتوكلات بين الهيئات التعليميه اكبر مني ومنك يا اخي اما بالنسبه للناس اللي معدتش الترم الاول فانا اصلا كلمت منهم كتير اوي اصلا في الترم التالت وفي ناس فعلا في اخر ترم ولو مش مصدقني ادخل على الجروب بتاع الجامعه وهتلاقي ان في ناس كتيره اوي بتطلب وعايزه امتحانات والجامعه ردت عليهم وبكده يبقا مش زي ما انت بتقول ان الجامعه مش بترد …………مينفعش يا اخي تحكم على حد بمجرد انك شايف غلطه حته لو كبيره فدي وارده ووارده من كل حد عيزين نكبر ثقفتنا شويه ونبقا شعب بيؤمن بالراي والراي الاخر انا رديت على حوالي 4 حجات من اللي حضرتك قلتهم وبالنسبه للردود بتاعت الناس ياريت حضرتك تدخل وتشوف الردود دي دلوقتي عامله ازاي هتعرف ان الناس اعتزرت عن كلمها ده ومكنتش واضحه بالنسبلها اي صوره وعموما في دلائل اكتر هتيجي لحضرتك واتمنى ان الله سبحانه وتعالى يحشرنا في قوله ( الذين يستمعون القول فيتبعون احسنه ) وكمان يارب متكنش في زمره ( يا ايها الذين امنو ان جاءكم فاسق بنبأ فتبينو ان تصيبو قوما بجهاله فتصبحو على ما فعلتم نادمين) وشكرا لذوق حضرتك

  4. طبعاً أوعدك إن لو اثبت لى إن الجامعه صادقة هاعتذر هنا فى المدونه للقراء و هاكتب موضوع كامل يثبت مصداقيتها ولو توصلني لأى مسؤل كبير فى الجامعه هاعتذر له طبعاً.
    دلوقتي هارد على حضرتك :
    – الدومين دلوقتي شغال علشان هما جددوه !!! ايه المشكله يعني ما الناس كلها بتعمل كده أنا الدومين بتاعي هيخلص السنه الجايه و هجدده عادي يعني ، الفكره إن بالله عليك في جامعه محترمه تشتري دومين لمده سنه و تجدده كل سنه ؟؟؟!!! ده أنا باعمل كده كل سنتين أو 3 سنين وبعدين الجامعات المشهوره و حتى الشركات بتحجز دومين لمده 5 أو 10 سنين قادم علشان عارفه انها مش هتقفل و علشان محدش يسجل دومين بنفس الاسم بتاعها بعد كده.
    – بصراحه أول مره أعرف موضوع الدومين .edu و الجامعات الحكوميه ده ؟؟ بس عندك مثلاً جامعه فاروس فى الاسكندريه جامعه خاصه و الدومين بتاعها :
    http://www.pua.edu.eg/
    ما علينا !!!!
    – المجلس الأعلى للجامعات !!!!! ومين جاب سيرة المجلس الأعلى للجامعات ؟؟؟
    أنا قلت فى النقطه رقم 4 فوق فى الموضوع :
    كاتبين على الموقع الخاص بهم أنهم معتمدون من منظمة الإعتماد الدولية (بالفعل هناك منظمة بهذا الإسم) ولكنها لا تحتوى على الجامعة الأمريكية أونلاين AUO فى القائمة المعتمده لديهم
    بس خلاص مين جاب سيرة المجلس الأعلى للجامعات ؟؟؟
    آه جايز قصدك الأخ أمجد مختار ؟؟ روح اسأله هو اللى سأل فى المجلس الأعلى للجامعات ممكن ابعتلك ايميله لو عايز حضرتك ؟؟؟
    – بخصوص الطلبه بقى : هو حضرتك قريت الموضوع بتاعي ؟؟؟ أصل بصراحه حاسس إن في حاجات حضرتك جايز مخدتش بالك منها ، مثلاً أنا قلت فى النقطه الأخيره فى الموضوع :
    “و انا بكرر أنه ممكن تكون الدراسه بجد و عمالين ينزللهم مناهج كل شويه على النت بس فى الآخر موقعهم مليان كذب ازاى نصدقهم ؟؟؟”
    بس كده الموقع والناس اللى فى الجامعه بيكذبوا فازاى نصدقهم ؟؟؟
    أنا آسف والله يا أستاذ بس بجد أنا شايف إن حضرتك كده ما رددتش على أى حاجه أنا كاتبها !!!!
    أنا منتظر رد حضرتك على الموضوع علشان نشوف مين الكذاب علشان ماقعش في ذنب اتهام الناس بالباطل وجزاك الله خيراً.
    -على فكره كمان أنا لسه شايف دلوقتي الموقع الجديد بتاعهم مش شغال كويس فى انترنت اكسبلورر و كروم انا web developer ممكن اساعدهم إن الموقع يشتغل كويس !!!! جامعه عريقه فعلاً !!!!!
    بالله عليك يا أستاذ عايزك تجيبلي موقع أى جامعه فى العالم يكتب لك فى بعض الأقسام updated او تحت الانشاء أو أى حاجه من المعنى ده ؟؟؟ دي ناس حتى مش عارفه تشتغل كويس طب يجولي طيب أنا بفهم فى الحاجات دي !!!! –
    ما علينا منتظر رد حضرتك

  5. يا استاذ علاء بالله عليك حضرتك ايه مين قالك انهم بيجددو كل سنه ؟؟؟؟ وبعدين حته لو بيجددو كل سنه يعني معتقدش ان ده يخص حضرتك اصلا لا من قريب ولا من بعيد !!!!!!!!!!!! وبعدين ده عرض وطلب يعني لو حضرتك عايز تقدم اهلا وسهلا بيك مش عايز دي حاجه تخص حضرتك ولا ايه رايك؟؟؟؟؟؟ ثانيا احنا لو مشينا مع بعض ان اي حاجه هقولهالك هتبقا غلط زي موضوع الدومين بتاع الجامعه الحكومه والجامعه الخاصه ده وانت بتقولي اول مره اعرف ده يبقا لو سمحت قولي عشان انت كده اي حاجه هقولهالك هتعتبر نفسك بس اللي صح وانا غلط يبقا نختصر الطريق………… وبعدين الموقع بتعهم والله يتفتح على اي حاجه انت ايه اللي مديقك في ده انت لغايه دلوقتي مأقنعتنيش بغض النظر اني متاكد من الجامعه ومصداقيتها مليون في ال % وبعدين يكتبو اقسمهم كده او ميكتبوهاش طبيعي جدا ولو عايز يا حبيبي تشوف جامعه اقسمها كتبنها كده فعيوني ليك ادخل دلوقتي حالا على موقع جامعه القاهره
    http://www.science.cu.edu.eg
    ولو عرفت تفهم حاجه في الجامعه كلها يبقا ليك الكلام
    وادخل على موقع جامعه الاسكندريه وولو فهمت حاجه يبقا ليك الكلام ولو بعت اي حاجه لاي مسؤل فيها ورد عليك يبقا برده ليك الكلام الموقع ده واجهه لاي جهه هي حره تحطه بالاسلوب اللي يريحها مدام هي ليها وجهه شغاله بيها بالنسبه لموضوع المجلس الاعلى للجامعات انا برد عليك فيه عشان انا مش عايزك تكلمني فيه وتدخلي من النقطه دي ابدا ابدا فبغطي كل جوانب الموضوع بس الواضح اني كل ما هكلم حضرتك في نقطه حضرتك هتتكلم معايا فيها برده على اساس انها غلط فلو سمحت بلاش الاسلوب ده عشان احنا كده مش هنتوصل ابدا لاي حل اما بالنسبه لمنظمه التوثيق العالمية ايه رايك بقا تروح عندهم هتلاقي ان عندهم بالفعل شهادات هما معلقنها مختومه من منظمه التوثيق ولو انت شاكك حضرتك ممكن تبعتلهم ميل وتسالهم وهيكون ده احسن دليل؟؟؟؟؟؟؟؟؟؟؟؟؟؟؟؟؟ وبعدين تعالى هنا لما اقولك مين قالك ان المنظمه دي بتحط على الموقع بتعها الناس المعتمدين من عندها؟؟؟؟ يا استاذي الفاضل المنظمه اصلا معندهاش لنك بده ومش بتعمل ده بالمره ولو حد عايز يتاكد بيبعتهلم ايميل وبعدين هرجعلك للنطقه الاولنيه انت بتقول الدومين دلوقتي شغال هما جددوه يعني معناه انهم مش نصابين لغايه شهر 5 ويلمو فلوس ويخلعو!!!!!!!!!!!!! المنطق بيقول بقا اني رديت عليك في الجزأيه دي يبقا خلاص وبعدين انا مردتش على ولا نقطه؟؟؟ طيب ازاي ازا كنت انا رديت على اكتر من 5 نقط حته النقطه بتاعت ان الطلاب مش مبسوطين ومحدش عدا السمستر الاول ابو تلت مواد رديت عليها وادخل بنفسك شوف تعليق الناس في كل حته في اي كوميونتي هما ليهم حساب عليه اسمحلي بقا لما اقولك اني رديت ورديت كويس اوي كمان وبعدين الاخ امجد مختار اللي انت بتتكلم عليه سال في المجلس الاعلى للجامعات طيب انا عايز اساله هو المجلس مش ليه شروط معينه بيعادل منها اي شهاده؟؟ هو حضرتك مسفرتش بره او على الاقل ليك اصدقاء دروسو بره ولما بيجو بيعاول الشهاده بتعتهم عن طريق اختام معينه من ضمنها ختم الخارجيه وكلام تاني كده؟؟؟؟؟؟ يبقا اعتقد بقا كده حضرتك اني رديت ورديت كويس اوي اوي كمان وطبعا انا رديت على 5 نقاط ولسه الباقي هجبهولك وموثق ومعتمد كمان بس ارجو من حضرتك ان مش اي حاجه هقولها هتقولي عليها لا وهتشكك فيها خصوصا اننا بنحاول نوصل لحاجه زي ما حضرتك قلتك هي الصح وجزاكم الله خير الجزاء

  6. عادى جداً على فكرة أنا هافضل أرد على كل حاجه حضرتك تقولها واثبت لك إنها غلط علشان أنا مقتنع باللي أنا كاتبه ومتأكد منه 100% !!!
    وحضرتك كمان المفروض تعمل كده لحد ما نعرف مين فينا الصح !!! أنا مش شايف مشكله خالص على فكره هو حضرتك تعبت ولا زهقت ؟؟؟؟
    يا أستاذ (ياللى مش عايز تقول اسمك) أنا مش هكمل كلامي معاك لحد ما تثبت لي إنك قريت الموضوع بتاعي كويس لإنك كل شويه تقولي أنت عرفت ده منين وعرفت ده منين و أنا قايل كل ده فى الموضوع مثلاً :
    1-مين قالك انهم بيجددو كل سنه؟؟؟
    “موجوده في الموضوع طلعها واديلك هديه :)”
    2- مين قالك ان المنظمه دي بتحط على الموقع بتعها الناس المعتمدين من عندها؟؟؟؟
    “موجوده في الموضوع طلعها واديلك هديه :)”
    يعني ما بتقراش الموضوع بتاعي وكمان بتتهمني بالكذب ؟؟؟!!!
    أنا كده هبتدي أزعل من حضرتك !!!!
    وبعدين من حقي أعرف معلومات عن حضرتك بقى ؟؟؟ اسمك وصورتك و انت منين أصلاً ؟؟؟؟ وحضرتك بتشتغل ايه ؟؟؟ وحاجات كده بقى !!!!
    اقرا الموضوع كويس الله يهديك 🙂
    ملحوظه “لا زلت في انتظار الباقي اللى هتجبهولى موثق ومعتمد !!!! واقرا الموضوع تاني كويس لو سمحت !!!!”

  7. طيب انا هقولك حاجه بس بعد اذنك ارجو ان رد حضرتك ميكنش في تهكم او سخريه عيب انا اكيد اكبر منك وخبرتي في الحياه اكبر منك وبالنسبه لاسمي او لصورتي فمعتقدش انهم هيهموك في حاجه بعدين انا الحمدلله يكفيني فخرا اني رديت على اغلب النقاط بتاعت حضرتك وبالنسبه للباقي اللي محتاج توثيق فانا فعلا بجيبه دلوقتي والحمدلله ربنا يهدينيا جميعا!!!!!!!!!!!!!!
    [س ارجو انك تتقبل الرأي والرأي الاخر وبلاش نظرية الزواايا الملتفه وعموما انتظر الرد الاكيد اللي ( على الاقل ) بيأكد باقي الردود اللي قلتهالك قبل كده

  8. “انا الحمدلله يكفيني فخرا اني رديت على اغلب النقاط بتاعت حضرتك”……..
    أنا مش شايف كده بصراحه ،حضرتك ما ردتش على حاجه !!! بس لو حضرتك شايف كده مش برافو عليك الكومنتات اهيه موجوده والناس اللى هتقرا الموضوع هيقروا الكومنتات وخليهم هما يصدقوا اللى هما عايزينه.
    يا ريت بس لما تجيب الأدله الموثقه تبقى تقولنا جبتها منين ؟؟؟ لإنك لو مقولتش أنا كده هابقى 100% متأكد إنك بتشتغل معاهم !!!! لازم الأدله يبقى أى حد يقدر يجيبها يعني أنا مثلاً ممكن أروح أتاكد منها بنفسي صح ولا إيه ؟؟؟
    منتظر الأدله الموثقه ، صحيح هو حضرتك قريت الموضوع كويس ؟؟؟

  9. a.m يقول:

    guys… i read all what u wrote and i feel that you are all right in every single word but you all must know that i didnt know about Auo as you guys knew… last year when i was in secondary two… i went to a competition in chenistry at EIN SHAMS unversity… it was for the chemistry olympics all around the world…we were only about 100 and they would only choose ten to represent egypt…but i wasnt from those people who went there unfortunately but the head of chemistry branch in EIN SHAMS university said that for those who didnt manage to succed they will get a scholarship at the american university online….. so what im trying to say is that i got it from EIN shams university…. so i dont know what to say….

  10. ما ذكرته في الموضوع حقائق متأكد منها 100% وذكرت الأدله عليها.

    معرفش والله اتخاذ اى اجراء قانوني حيالهم ممكن يكون ازاى.

  11. استاذ علاء انا محتاج اعرف رأى حضرتك فى موضوع مشابه لنفس موضوع الجامعه الامريكيه اون لاين لانى جالى اتصال من واحده انجليزيه وبتقولى انهم اختارونى لمنحه تبع جامعه رايس بس مطلوب منى ادفع فى البدايه 499 جنيه رسوم للشهادات http://www.rice.edu/ ياريت سرعه الرد لان مفيش قدامى غير يومين

    1. هي جامعه رايس، جامعه أمريكية ومحترمه و كل حاجه، بس سؤال مين اللي اتصل بيك ؟ قالتلك إنها تبع إيه؟ اسمها إيه ؟ يعني أي معلومات نتأكد بيها هل شخصيتها حقيقية ولا مزيفه ؟

  12. لو سمحت يا استاذ علاء دلوقتى انا فعلا كن مشترك واتنصب عليا انا كنت عايز اقدم فيهم بلاغ قولى اعمل اية ويا ريت لو حضرتك تكلمنى ولك جزيل الشكر

    وجزاكم الله خيرا
    باسل مجدى 01020309972

  13. السلام عليكم و رحمه الله و بركاته

    دخلت على موضوعكم بالصدفة البحته و لكن شدنى الموضوع فأكملت قراءته للنهاية و قرأت التعليقات

    انا معجب جدا بأسلوبك يا استاذ علاء

    كل شىء بتكتبه بالأدلة و مش بتألف و خلاص

    عجبنى جدا ردك على الشخص اللى اتهمك بالكذب و فخور انه رد و انا لا شايف انه رد على اى شىء و لا احضر ادله لأى شىء

    بس حابب اضيف شىء صغير انا مصرى بس مقيم بره مصر من زمن طويل و احب اقول ان موضوع النصب بالجامعات الاون لاين و النصب بموضوع الهجرة ده منتشر بدرجة كبيرة جدا فى كل العالم مش مصر بس.

    ربنا يحميك و يوفقك و خليك بالمنطق و اسلوبك الراقى ده مهما قابلك من ناس تحاول تكسرك.

    للعلم انا لا اعرف كتباتك و لا اتجاهاتك انا بس قرأت لك هذا الموضوع

  14. و بالمناسبه

    عجبنى انك ممسحتش الردود بتاعه الاخ اللى اتهمك بالكذب مع انك كنت تقدر على كده

اترك رد